A Fabbriziu
Quannu ti vitti, accussi
autu e siccu comu 'na canna
spontaneu fu chiamariti "U Longu"
anchi picchì 'nta casa
ci 'nera nautru
ma pi' lugnizza
di picca a tia scarsiava
Beddu, nun eri certu:
cu ddu nasu a pinnuluni
e l'occhi spirticchiati
parevi propriu un passuluni!
Ma di subbitu, pensa un pò,
mi facisti 'na granni simpatia
c'à facci bona comu l'occhi
e ddu surrisu comu 'u suli
Fu accussì ca pi mia,
curtu e tunniggianti,
mi vinni facili e spontaneu
aviriti pù megghiu
Oggi mi lassi sulu
comu suli sunnu i nichi
e la mugghiera chi lassasti
in un nivuru dignitusu tormentu
Idda forti è assai
e tutta la sò anima ti retti
facennusi forza pì li nichi
comu acidduzzi senza volu
Cugnatu miu Fabriziu
oggi pigghiasti un volu sulitariu
ca ti porta dda supra nì tò patri
lassannu peni e pinitenzi
jinchiennu 'u cori di duluri
Vola acidduzzu miu dilicatu
doppu sti peni chi patisti
Vola sicuru e cunfurtatu
cà li tò cari un sunnu suli
Circunnati d'amuri e sintimenti
cà 'na bambagia li tinemu
dunannu amuri e puru l'arma
cù tia davanti i nostri cori
Post
